හැකි ඉක්මනින් රසායනික පොහොර ලබාදෙන බවට රජය පොරොන්දු වී ඇති නමුත් මෙතෙක් කිසිදු පොහොරක් නොමිලේ හෝ මුදලටවත් ලබාදී නොමැති බවට ශ්‍රී ලංකාවේ ගොවි සංවිධාන පවසයි.
මෙම පොහොර හිගය ආරම්භ වූයේ පසුගිය වසරේ අප්‍රේල් මාසයේ සිටය. එහිදි ජනාධිපති විසින් රසායනික පොහොර තහනමක් ක්‍රියාත්මක කරමින් කාබනික ගොවිතැනට මාරුවීමට තීරණය කරනලදි.
පසුගිය මාස කිහිපය පුරාවටම, රසායනික පොහොර ආනයනය නැවත ආරම්භ කරන ලෙස ඉල්ලා ගොවීන් රට පුරා විරෝධතා පාගමන් පැවැත්වූහ. පොහොර ප්‍රශ්නය හේතුවෙන් තම වගා හානිවලට, විශේෂයෙන්ම වී වගාවන්ට සිදු වූ හානිවලට වන්දි ලබා දෙන ලෙසද ඔවුහු ඉල්ලා සිටියහ.
2022 දී ආහාර නිෂ්පාදනය දැවැන්ත ලෙස පහත වැටීමට රසායනික පොහොර තහනම් කිරීමට ගත් තීරණය හේතුවු අතර. ඒ පිළිබඳව ශ්‍රී ලංකා ජනාධිපතිවරයා විසින් කණගාටුව ප්‍රකාශ කරනලදි.
තවද, එම තහනම වරදක් බව පැවසූ ජනාධිපතිවරයා ඒ සම්බන්ධයෙන් නිවැරදි පියවර ගනිමින් සිටින බවද සඳහන් කළේය.
විශේෂඥයන් සඳහන් කළේ රසායනික පොහොර නොමැතිකම භෝග වලට, විශේෂයෙන් බඩ ඉරිඟු වලට විශාල බලපෑමක් ඇති කරන බවයි.
ආණ්ඩුවේ අසාර්ථක ප්‍රතිපත්ති නිසා ශ්‍රී ලංකාවේ ගොවි ජනතාව දැන් කම්කරුවන් බවට පත්වෙමින් සිටිති. ශ්‍රී ලංකාවේ මිලියන දෙකක ගොවීන් කිසිදු පිහිටක් නොමැතිව දුක්ඛිත තත්ත්වයට පත්ව ඇත. වාර්තා වන පරිදි දේශීය සහල් නිෂ්පාදනය සියයට 20කට වඩා අඩු වී ඇත.
පොහොර මිල හත් ගුණයකින් පමණ ඉහළ ගොස් ඇති අතර ගොවීන්ට තවදුරටත් සහනාධාර නොලැබේ. පොහොර කිලෝ 50ක් පෙර රුපියල් 6000ක් වු අතර එය අදවනවිට රුපියල් 45,000කට වැඩි මිලකට අලෙවිවේ.
“අපේ ප්‍රදේශයේ ගොවි පවුල් 3000ක් විතර ඉන්නවා. ඒ හැමෝම අද උද්ඝෝෂණයට සහභාගි වෙනවා. දැන් අලුත් වගා කන්න පටන් අරන්. නමුත් අපිට පොහොර, කෘෂි රසායන ආදිය නැහැ. අපි නැවතත් පාලකයන්ගෙන් ඉල්ලනවා අවධානය යොමු කරන්න කියලා. මේකට.. තව ටික දවසකින් රටට සාගතයක් එනවා. ඒකත් එක්ක අපේ රටේ තත්ත්වය තවත් අමාරු වෙයි.”
“අපි මේ සටන අත්හරින්නේ නැහැ. අපට පොහොර අවශ්‍යයි. අපට පළිබෝධනාශක අවශ්‍යයි. අපට ඉන්ධන අවශ්‍යයි. අපට සටන දිගටම කරගෙන යාමට සිදුවනු ඇත.” කේ සුගතපාල – ගොවි වෘත්තීය සමිති නායක
A24
