පමා නොවී අයි.එම්.එෆ් ගියා නම් රට මේ තරමට කඩා වැටෙන්නේ නෑ

ශ්‍රී ලංකාවට මෙතරම් දරුණු  ආර්ථික අර්බුදයකට මුහුණ දෙන්නට සිදුවූයේ ජාත්‍යන්තර මූල්‍ය  අරමුදලට යෑම  ප්‍රමාද වූ නිසා බව එක්සත් ජාතික පක්ෂ නායක සහ හිටපු අග්‍රාමාත්‍ය රනිල් වික්‍රමසිංහ මහතා පැවසීය.

අතීත එක්සත් ජාතික පක්ෂ අාණ්ඩු මෙවැනිම ආර්ථික අර්බුද සහිත අවස්ථා වල රට බාර ගෙන ආර්ථිකය ගොඩ  ගත් අවස්ථා ඕනෑතරම් තිබෙන බවද රනිල් වික්‍රමසිංහ  මහතා සඳහන් කළේය.

සමාජ මාධ්‍ය සමග පැවති විශේෂ සාකච්ඡාවකදී රනිල් වික්‍රමසිංහ මහතා පැවසූයේ පමාවී හෝ මූල්‍ය අරමුදලට යාම හැර වෙනත් විසඳුමක් නැති බව තමා දිගින් දිගටම සඳහන් කළ බවයි.